DRC
Wizara ya biashara ya Jamhuri ya kidemokrasia ya Congo yapanga mkutano wa wafanya biashara utakao fanyika Octoba ijayo
AGOSTI 05, 2024
Katika Kuimarishwa kwa biashara kati ya Jamhuri ya Kidemokrasia ya Kongo na Ufalme wa Ubelgiji ujumbe wa kiuchumi wa Ubelgiji unatarajiwa mjini kuwasili Mjini Kinshasa Oktoba ijayo.
Lakini hata hivyo kukiwa maelezo zaidi kuhusu mfululizo wa hatua zilizochukuliwa na Serikali ya Kongo kuzuia uagizaji wa bidhaa fulani kwa muda; Hoja hizi zilikuwa katikati ya mkutano wa kimkakati Jumatatu hii mjini Kinshasa kati ya Waziri wa Biashara ya Kigeni, Julien Paluku Kahongya na Balozi wa Ubelgiji aliyeidhinishwa nchini DRC, Roxane de Bilderling.
Kahawa, kakao na mafuta ya mawese kutoka DRC ni maarufu sana katika soko la Ubelgiji, alisema mwanadiplomasia Roxane de Bilderling, akiongeza kuwa kampuni ya Ubelgiji tayari inaendeleza kiwanda cha chokoleti huko Mutwanga katika sekta ya Ruwenzori katika eneo hilo kutoka Beni hadi Kivu Kaskazini.
Alichukua fursa hiyo kumhakikishia Waziri wa Biashara ya Nje kwamba ujumbe wa kiuchumi wa Ubelgiji uliopangwa kufanyika Oktoba ijayo katika mji mkuu wa Kongo utawaruhusu waendeshaji uchumi wa Ubelgiji kugundua fursa zinazotolewa na DRC na hivyo kuunganisha mahusiano na vyama vya biashara vya Kongo.
Kwa upande wake, Waziri wa Biashara ya Nje alimweleza mwenyeji wake kuwa uwepo wa waendeshaji uchumi kutoka Ubelgiji ambao ni makao makuu ya Umoja wa Ulaya mjini Kinshasa, lazima uchangie katika kuwahakikishia wawekezaji wengine kuja kufanya biashara katika Jamhuri ya Kidemokrasia ya Kongo ambayo imejaa fursa nyingi sana.
Wafanyabiashara wa Ubelgiji kwa hiyo wametakiwa kuja na kuishi DRC ili kusaidia maendeleo ya minyororo ya thamani ambayo italeta utajiri na ajira zaidi, alisisitiza.
Kuhusu msururu wa hatua zinazozuia uagizaji wa bidhaa fulani kwa muda, Waziri alitangaza kwamba zinalenga kulinda viwanda vya ndani na nafasi za kazi wanazounda, mpango uliokaribishwa sana na mwanadiplomasia wa Ubelgiji.
Kumbuka kwamba wakati wa mkutano huu, shakhsia hao wawili walijadili haja ya kutekeleza mikakati ya kufanya biashara ya nje kuwa sababu ya amani na utulivu mashariki mwa nchi inayotikiswa na ghasia za silaha.